Rwanda: Diane Rwigara n'umuryango we batawe muri yombi

Ntibishobora gukina mu cuma cawe
Diane Rwigara: "Ubuzima bwacu ntabwo bworoshye"

Umuvugizi w'igipolisi cy'u Rwanda, Theos Badege, yemeje ko batatu bo mu muryango wa Assinapol Rwigara batawe muri yombi ku mugoroba wo ku wa Gatandatu.

Abatawe muri yombi bafunzwe ni Diane Rwigara washatse kwiyamamaza ku wmwaya w'umukuru w'igihugu mu mwatora aheruka, Anne Rwigara murumuna we ndetse n'umubyeyi w'aba bombi, Adeline Rwigara.

Bwana Badege yatangaje ko aba bafashwe kubera ibimenyetso yemeza ko polisi ifite ko bakekwaho ibikorwa byahungabanya umudendezo w'igihugu.

Uko ari batatu ngo 'banze' korohereza igipolisi mu iperereza kandi ngo banashyize hanze amakuru itegeko rivuga ko yagombye kuba ibanga.

Mu minsi ishize, abo mu muryango wa Diane baba hanze barimo na nyirarume, umuhanzi Ben Rutabana, babwiye BBC ko bari bibasiwe n'ubutegetsi.

Ntibishobora gukina mu cuma cawe
Diane Rwigara yongeye guterwa umukwabu no gutwarwa na polisi

Igipolisi gitangaje ko gifunze abo mu muryango wa Rwigara nyuma y'igihe cyari gishize bajyanwa guhatwa ibibazo ku buryo bwa hato na hato.

N'ubwo igipolisi kivuga ko kibakurikiranyeho inyandiko mpimbano kuri Diane Rwigara, n'inyereza ry'imisoro ku bandi bagize umuryango we, bo bavuga ko ibibazo byabo bishingiye ku mpamvu za politike.

Diane Rwigara w'imyaka 35 yagerageje kwiyamamariza gutegeka igihugu mbere y'uko akurwa ku rutonde rw'abakandida bemerewe na Komisiyo y'amatora yavuze ko 'atari yujuje' ibisabwa n'amategeko.

Amatora yatsinzwe na perezida paul Kagame ku majwi arenga 98%.