Ubuhumyi buragenda bwiyongera

Indorerwamo z'amaso Uwufise ububasha kw’isanamu Getty Images

Umuryango mpuzamahanga urwanya ubuhumyi, International Agency for the Prevention of Blindness, uravuga ko ikigero cy'ubuhumyi ku isi kiziyongera mu myaka ine iri imbere.

Ibihugu byo muri Aziya y'amajyepfo ndetse no munsi y'ubutayu bwa Sahara biri mu byugarijwe cyane.

Nyamara ubu buhumyi akenshi bushobora kwirindwa.

Ubushakashatsi bwatangajwe mu kinyamakuru Lancet Global Health buvuga ko hashize imyaka 30 ibikorwa byo guhangana n'ubuhumyi bwakwirindwa bigenda gahoro cyane cyane mu bantu barengeje imyaka 50.

Ishyirahamwe mpuzamahanga rigamije kwita ku buzima bw'amaso IAPB rivuga ko imwe mu mpamvu zitera iki kibazo ari umubare w'abantu bageze mu zabukuru ugenda wiyongera muri rusange.

Uwufise ububasha kw’isanamu Getty Images
Image caption Zimwe mu mpamvu zitera ubuhumyi ni ishaza ryo mu jisho.

Icyegeranyo gitunga agatoki ishaza ryo mu jisho, indwara ishingiye ku muvuduko w'amazi yo mu jisho ndetse n'indwara zo kutabona zitavuwe neza nka zimwe mu mpamvu nkuru zitera ubuhumyi.

Mu gihe ibihugu bifite amikoro menshi bigenda bitera intambwe muri uru rwego, ibice bikiri inyuma mu bukungu nk'icy'Africa yo mu nsi y'ubutayu bwa Sahara biracyari inyuma cyane kubera amikoro make.

Imibare ishimangira ko hagikenewe byinshi mu rugamba rwo kurinda amaso.