Umukobwa yikekwa ku rupfu rwa Kanumba yakatiwe imyaka ibiri

Umukinyi w'isinema Elizabeth Michael batazira "Lulu"
Image caption Umukinyi w'isinema Elizabeth Michael batazira "Lulu"

Umukobwa rurangiranwa mu gukina isinema muri Tanzaniya, Elizabeth Michael Kimemeta yakatiwe igipfungo c'imyaka ibiri ku bijanye n'urupfu rw'uwo bakundana.

Umukenyezi Kimemeta -- benshi bazi kw'izina rya Lulu -- yemeye ko yateranye amajambo n'uwo bakundana, umukinyi rurangiranwa w'isinema Steven Kanumba.

Yahakanye ko ariwe yatumye urupfu rw'uwo mugabo azwi ko akomeye cane mur'uwo mwuga.

Urwo rubanza rw'abantu babiri bazwi cane rwarakurikiranywe cane mu gihugu no mu karere.

Lulu yatsindiye agashimwe k'umukinyi mwiza w'isinema "Zanzibar International Film Festival Award for Best Actress" mu 2013.

Image caption Umukenyezi Kimemeta yakatiwe igipfungo c'imyaka ibiri