Sena ya Amerika yatoye umushinga w'itegeko ku misoro

Donald Trump ari kumwe n'umukuru w'inteko nshingamategeko Paul Ryan. Uwufise ububasha kw’isanamu Getty Images
Image caption Donald Trump ari kumwe n'umukuru w'inteko nshingamategeko Paul Ryan.

Muri Leta zunze ubumwe za Amerika, abasenateri batoye umushinga w'itegeko ugamije kuvugurura amategeko agenga imisoro muri icyo gihugu.

Bigiye gutuma rero Perezida Donald Trump abasha gushyiraho itegeko rikomeye kuva yajya ku butegetsi.

Abasenateri bo mu ishyaka ry'aba Republicains n'abo mu ishyaka ry'abademokarate batoye bakurikije umurongo amashyaka yabo agenderaho.

Mu nyuma rero uwo mushinga w'itegeko wabashije gutorwa n'abasenateri 51 kuri 49.

Uwufise ububasha kw’isanamu AFP
Image caption Uwo mushinga w'itegeko wemejwe n'abasenateri nyuma y'impaka ndende.

Uyu mushinga w'itegeko ugamije kugabanyiriza ibigo by'ubucuruzi imisoro ndetse no kugabanyiriza imisoro bamwe mu banyamerika.

Ku rubuga rwa Twitter, Perezida Trump yavuze ko arimo gukoza imitwe y'intoki ku itegeko rizagabanyiriza imisoro abakozi b'abanyamerika.

Yongeyeho ko afite ikizere ko rishobora kuba ryashyizweho umukono mbere ya Noheli.