Abahitanwa na mine ngo baragenda biyongera

Igisasu cya mine Uwufise ububasha kw’isanamu Thinkstock

Imiryango ifasha abari mu kaga iraburira abantu ko umubare w'abicwa n'abakomeretswa n'ibisasu bya mine n'ibindi bisa nabyo urimo kugenda wiyongera.

Ibi ngo biraba mu gihe hashize imyaka makumyabiri hagiyeho amasezerano mpuzamahanga abuza ikoreshwa ryabyo.

Ibihugu byinshi nka Bosnia, Cambodge na Zimbabwe biracyuzuyemo ibisasu bya mine kandi imitwe yitwaje intwaro nk'uwiyita Leta ya Kiyisilamu wikorera ibyawo.

Umuryango mpuzamahanga utabara imbabare ku isi uravuga ko utewe impungenge n'igabanuka ry'amafaranga y'imfashanyo atangwa mu gutegura ibyo bisasu.

Amasezerano abuza ikoreshwa ry'ibisasu bya mine yashyizweho umukono n'ibihugu birenze 160.

Ariko nubwo bwose Leta zunze ubumwe za Amerika, Uburusiya n'Ubushinwa bitayashyizeho umukono, ibi bihugu bisa nkaho byahagaritse kugura bene ibyo bisasu cyangwa kubikoresha.a.