Amahanga arasaba Trump kutemera ko Yeruzalemu ari umurwa mukuru wa Israeli

Yeruzalemu, umujyi ugibwaho impaka Uwufise ububasha kw’isanamu AFP
Image caption Yeruzalemu, umujyi ugibwaho impaka

Amahanga akomeje gusaba Perezida Trump kudafata icyemezo cy'uko Yeruzalemu ari umurwa mukuru wa Israeli.

Perezida Recep Tayyip Erdogan wa Turkiya, yavuze ko ikibazo cya Yeruzalemu ari umurongo utukura ku Abayisilamu.

Yavuze ko ikibazo cya Yeruzalemu gishobora gutuma igihugu cye gicana umubano na Israeli.

Mu kiganiro yagiranye na perezida Trump kuri telefoni, Perezida Emmanuel Macron w'Ubufaransa, yamusabye kudafata icyo icyemezo.

Nabil Shaath, umwe mu bategetsi bakuru b'Abanyapalestina, yavuze ko perezida Trump nafata icyo cyemezo, bizahungabanya inzira zose zatuma Amerika iba umuhuza utabogamye mu mugambi w'amahoro wo mu burasirzuba bwo hagati.