Abasirikare 14 ba MONUSCO bava muri Tanzania bishwe

Ingabo za ONU muri RDC Uwufise ububasha kw’isanamu AFP/Getty

ONU iravuga ko abasirikare bayo bagera kuri cumi na bane baguye mu gitero cyagabwe mu burasirazuba bwa Repubulika iharanira demokarasi ya Congo.

Abarenga 50 bakomerekeye muri icyo gitero umunyamabanga mukuru wa ONU, Antonio Gutteres, yavuze ko aricyo gihitanye abasirikare ba ONU benshi mu myaka mike ishize.

Yoherereje ubutumwa bw'akababaro Tanzania igihugu abo basirikare bakomokamo.

Abasirikare batanu ba leta ya Congo nabo baguye muri icyo gitero.

Jean-Pierre Lacroix, ushinzwe ibikorwa byo kubungabunga amahoro ku isi, yatangaje ko hari abandi basirikare boherejwe kongerera ingufu abari aho byabereye.

ONU ntabwo ivuga uwagabye icyo gitero cyabereye mu ntara ya Kivu ya ruguru.

Ariko iradiyo ishyigikiwe na ONU muri Congo yatangaje ko abagabye icyo gitero bakekwaho kuba ari abarwanyi bo mu mutwe wa ADF.

Uyu mutwe wa ADF ugizwe n'inyeshyamba zikomoka muri Uganda zishinjwa kuba gukora amarorerwa muri ako karere.