Amatora ya sena muri Alabama: Umudemokarate Jones yatsinze Roy Moore mu matora ya sena

Doug Jones Uwufise ububasha kw’isanamu Getty Images
Image caption Umudemokarate Doug Jones mu byishimo nyuma y'intsinzi itangaje muri Alabama

Doug Jones yabaye umusenateri wa mbere wo mu ishyaka ry'Abademokarate utsinze muri leta ya Alabama muri Leta Zunze Ubumwe za Amerika nyuma y'imyaka 25.

Bwana Jones yatsinze uwo bari bahanganye wo mu ishyaka ry'Abarepubulikani Roy Moore.

Iyi ntsinzi ya Bwana Jones ntiyari yitezwe. Ariko ikomye mu nkokora perezida Trump wamushyigikiye, ndetse bikaba bigabanyije ubwiganze bw'Abarepubulikani muri sena. Ubu bafite 51 kuri 49.

Ariko rero, Bwana Moore yantze kwmera ko yatsinzwe kugeza ubu avuga ko "bitararangira".

Yiyamamaje ashimitse cyane nyuma y'ibirego by'uko yaba yarahohoteye ku buryo bw'imibonano mpuzabitsina, abana b'abangavu bari munsi y'imyaka y'ubukure.

Uwufise ububasha kw’isanamu Getty Images
Image caption Roy Moore umurepubulikani watsinzwe amatora muri Alabama yanze kwemera ko byarangiye

Bwana Moore, utsimbaraye cyane ku mahame y'ibya cyera unavuga ko imibonano mpuzabitsina y'abagabo ku bagabo cyangwa abagore ku bagore yagombye kutemerwa n'amategeko, yahakanye ibyo aregwa ashimitse.

Umwanya wahatanirwaga wari uwasizwe n'umuyobozi w'urwego rw'ubucamanza muri Leta Zunze Ubumwe za Amerika, Jeff Sessions wahoze ari umusenateri uhagarariye leta ya Alabama.

Uwufise ububasha kw’isanamu Reuters
Image caption Abashyigikiye Doug Jones bishimira intsinzi ye i Birmingham, Alabama

Alabama izaba ihagarariwe n'umusenateri w'Umudemokarate muri Sena ya Leta Zunze Ubumwe za Amerika.

Ni ibintui bitashoboraga no gutekerezwa mu mwaka ushize, yewe n'igihe abantu bajyaga mu matora ku wa kabiri, ni bacye bumvaga ko bishobora kuba.