Amatora muri Liberiya: Uwahoze akina umupira w'amaguru na visi perezida bahanganiye mu cyiciro cya kabiri

George Weah (Ibumoso) na Joseph Boakai bahanganiye mu matora y'icyiciro cya kabiri Uwufise ububasha kw’isanamu Reuters/ EPA
Image caption George Weah (Ibumoso) na Joseph Boakai bahanganiye mu matora y'icyiciro cya kabiri

Ibikorwa by'ibarura ry'amajwi byatagiye muri Liberiya nyuma y'amatora y'ikiciro cya kabiri hagati ya visi perezida Joseph Boakai n'icyamame mu mupira w'amaguru George Weah.

Bwana Weah w'imyaka 51, yatsinze icyiciro cya mbere cy'amatora ariko ntiyagize amajwi 50% asabwa kugira ngo atangazwe nka perezida ku buryo budasubirwaho.

Ubwitabire bwari hasi ariko ibiva mu matora bizatuma igihugu gihindura ubutegetsi mu ituze n'amahoro ku nshuro ya mbere mu myaka 73.

Abantu barenga miliyoni ebyiri ni bo bemerewe gutora mu gihugu cy'abaturage bagera kuri miliyoni enye n'ibihumbi magana atandatu, cyashinzwe n'abahoze ari abacakara muri Leta Zunze Ubumwe za Amerika mu kinyejana cya 19.

Ibyavuye mu matora biteganyijwe gutangazwa muri iki cyumweru.

Ni bande bahanganye mu matora?

Ihangana hagati ya Bwana Boakai na Bwana Weah wahozea ri icyamamare mu mupira w'amaguru ryaranzwe n'ibibazo by'amategeko.

Bwana Boakai w'imyaka 73 amaze imyaka 12 ari visi perezida ariko asa n'udashyigikiwe cyane na perezida, Ellen Johnson Sirleaf.

Nyuma yo gutora yagize ati:

"Uyu ni umunsi ukomeye kuko ni ikizamu kuri demokarasi yacu."

Uwufise ububasha kw’isanamu Reuters
Image caption Abaturage bazindukiye mu matora ku wa Kabiri i Monrovia mu murwa mukuru

Bwana Weah yizera ko kuri iyi nshuro ya gatatu yitabiriye amatora y'umukuru w'igihugu, ashobora gutsinda.

Yagize ati:

"Simfitanye isano no gutsindwa. Intsinzi y'uyu munsi ni nta shiti."

Weah wahozea kinira ikipe ya AC Milan na Paris Saint-Germain yatsinze Madamu Johnson Sirleaf mu cyiciro cya mbere muri 2005 ariko atsindwa mu cyiciro cya kabiri.

Mu yandi matora yakurikiye muri 2011, igihe yiyamamazaga ari kumwe n'umukandida utavugaga rumwe na leta, uruhande rwe rwikuye mu matora ruvuga ko yarimo ibibazo.

Uwufise ububasha kw’isanamu Reuters
Image caption Ellen Johnson Sirleaf azava ku butegetsi nyuma y'imyaka 12

Madamu Sirleaf yagiye ku butegetsi muri 2006. nyuma y'uko uwamubanjirije, Charles Taylor, ahirikiwe n'inyeshyamba muri 2003 birangiza intambara y'umwiryane y'igihe kirekire.

Taylor ari muri gereza mu gihano yakatiwe cy'imyaka 50 mu Bwongereza kubera ibyaha by'intambara bifitanye isano n'igihugu gituranyi cya Sierra Leone.