Igisirikare cya Nigeriya kiravuga ko abantu 700 bigobotoye umutwe wa Boko Haram

Uwufise ububasha kw’isanamu Nigerian Army
Image caption Abasirikare ba Nigeriya bari imbere y'abantu bari mu maboko ya Boko Haram

Igisirikare cya Nigeriya kiravuga ko abantu 700 bari barafashwe n'umutwe wa Boko Haram bigobotoye uwo mutwe mu majyaruguru y'uburasirazuba bw'icyo gihugu.

Umuvugizi w'icyo gisirikare yavuze ko abo bantu bavuye mu birwa byo mu kiyaga Chad bagera mu mujyi wa Monguno, muri leta ya Borno.

Ntabwo ayo makuru aremezwa n'uruhande rwigenga ariko umunyamakuru wa BBC aravuga ko bishoboka ko abo bantu bagiye bavayo buhoro buhoro.

Igisirikare kiravuga ko ibitero byacyo byaciye intege uwo mutwe wa Boko Haram.

Mu ijambyo ryo kurangiza umwaka, Perezida Muhammadu Buhari yavuze ko umutwe wa Boko Haram watsinzwe.