Mary J Blige yashitse ku bitarakorwa muri kahise k'agashimwe Oscar

Isinema Mudbound niyo yatumye Blige agenwa guhiganirwa agashimwe Oscar Uwufise ububasha kw’isanamu Getty Images
Image caption Isinema Mudbound niyo yatumye Blige agenwa guhiganirwa agashimwe Oscar

Umuririmvyi wo muri Amerika Mary J Blige yatangaje benshi mu kuba umuntu wa mbere agenywe mu bahiganirwa udushimwe Oscar two kwandika no kuririmba indirimbo ikoreshwa muri film (theme song).

Uwo muririmvyi rurangiranwa w'umudiho R&B asanganywe udushimwae icenda twa Grammy mu kuririmba, yakinye nk'umugore w'umurimyi akenye mw'isinema Mudbound, bimuhesha kugenwa mu bahiganirwa agashimwe Oscar k'umukinyi afasha kizigenza ( supporting actress).

Indirimbo Mighty River, canke uruzi ruhambaye, ni akamo ku kibazo c'ivangura rishingiye ku rukoba, bigatuma iyo ndirimbo ica ija mu zihabwa amahirwe menshi yo gutsinda.

Mu myaka yaheruka, abagenwa guhiganirwa agashimwe ka Oscar baba ari abaririmvyi basohoye indirimbo z'umwihariko - nka Jennifer Hudson mu ruririmbo "Love You I Do" - ariko agashimwe kakaba kahabwa umwanditsi w'indirimbo.

Blige yafadikanije kwandika Mighty River na Raphael Saadiq, yaciye aba umuririmvyi wa mbere agenywe guhiganirwa udushimwe Oscar tubiri icarimwe.

Uwufise ububasha kw’isanamu PIXAR
Image caption Indirimbo Coco y'ikigo c'isinema Pixar nayo yagenywe mu ndirimbo zihiganwa

Abo bantu babiri ariko ntiborohewe kuko bahiganwa n'abandi banditsi b'indirimbo bakomeye, banditse indirimbo La La Land na Frozen.

Benj Pasek na Justin Paul, batwaye agashimwe k'indirimbo y'umwihariko ya mbere nziza ( best original song) mu mwaka uheze, basubiye kugenwa mu bahiganwa ku ndirimbo This Is Me, muri filme "The Greatest Showman".

Kristen Anderson-Lopez na Robert Lopez, banditse "Let It Go", bagenywe mu rurimbo "Remember Me".