SudaniYepfo yatezuriye amashirahamwe mpuzamakungu

Prezida Salva Kiir wa Sudani Yepfo Uwufise ububasha kw’isanamu Reuters
Image caption Prezida Salva Kiir wa Sudani Yepfo

Ubutegetsi bwa Sudani Yepfo bwatezuriye amashirahamwe y'abatabazi, akaba azomara umwaka atarishe amahera yahora atanga kugira ngo akorere muri ico gihugu.

Ubutegetsi buvuga ko ivyo bishobora guha ingoga ayandi mashirahamwe yipfuza kuja gukorera muri Sudani Yepfo, aho igice c'abanyagihugu bose bakeneye imfashanyo.

Mu bisanzwe amashirahamwe mpuzamakungu ariha amadolari $3500 kugira ngo ashobore gukorera mu gihugu.

Uwuserukira Amerika mu muryango mpuzamakungu Onu, Nikki Haley, yashimye iyo ntambwe, ariko asaba ko amahera ategekanywa ku mpusha zo gukorera mu gihugu nayo nyene yosubigwamwo.

Abakora mu mashirahamwe mpuzamakungu y'ubutabazi bariha hagati y'ibihumbi bibiri na bine vy'amadolari ngo bashobore kuronka uruhusha rwo gukorera mu gihugu (work permit).