Perezida Jakaya Kikwete yongeye gutorwa

Perezida Jakaya Kikwete
Image caption Perezida Jakaya Kikwete yongeye gutorwa

Perezida Jakaya Kikwete yongeye gutorerwa kuyobora Tanzania mu gihe cy'indi myaka 5 nyuma y'amatora y'umukuru w'igihugu yabaye ku cyumweru.

Akanama gashinzwe amatora katangaje ko Perezida Kikwete yegukanye amajwi 61.17 ku ijana.

Mubo bahataniraga uwo mwanywa harimo Dr Wilbrod Slaa wo mu isyaka CHADEMA wegukanye 26.34% naho Ibrahim Lipumba wo mu ishyaka rya CUF yaje ku mwanya wa gatatu n'amajwi 8.06%.

Muri aya matora abaye aya kane kuva muri Tanzania hatangijwe politiki y'amashyaka menshi, abakandida 7 nibo bahataniraga umwanya w'umukuru w'igihugu.

Havuzwe imvururu mu duce twumwe twa Tanzania zishobora kuba zaratewe nuko abantu bamwe batihanganiye gukomeza gutegereza ibyavuye mu matora.

Mu duce twinshi abapolisi bagombye gukoresha ibyotsi bitera amarira.

Dr Willbroad Slaa yari yasabye ko amatora y'umukuru w'igihugu yasubirwamo ngo kubera ko afite gihamya ko ishyaka riri ku butegetsi CCM ryibye amajwi.

Mu matora yo ku cyumweru abanyatanzania kandi bitoreye abadepite. Ishyaka ritavuga rumwe na leta CHADEMA rikaba ryararonse imyanya myinshi mu nama nshingamategeko mu duce twinshi tw'igihugu.