Karugarama: "Rugigana Ngabo ariho"

Koloneri Rugigana Ngabo
Image caption Koloneri Rugigana Ngabo ni muzima-Karugarama

Minisitri w'ubucamanza w'uRwanda, Tharcisse Karugarama, aravuga ko azi neza ko Lt Col Rugigana Ngabo ariho.

Mu kiganiro yahaye BBC ku kirego cyagejejwe mu rukiko rw'umuryango w'Afurika y'uburusirazuba n'umuvandimwe wa Rugigana arega leta y'u Rwanda ko yafunze musaza we mu buryo bunyuranye n'amategeko, Karugarama yavuze ko umuryango wa Rugigana utigeze uregera inzego z'ubucamanza z'u Rwanda.

Karugarama yavuze ko urwo rukiko baregeye rudafite ububasha bwo guca bene izo manza.

Ku kibazo cy'impungenge z'uko Lt Col Rugigana Ngabo yapfuye, Ministri w'ubucamanza w'Urwanda yavuze ko atazi uko ameze kuko adashinzwe gereza ngo ariko azi ko Rugigana ari muzima.