Lt.Gen. Muhire afungiwe mu kigo cy'i Kanombe

Ibendera ry'u Rwanda
Image caption Jenerali Muhire yafashwe

Igisirikare cy'u Rwanda kiravuga ko Lt Gen Charles Muhire, wari umuyobozi w'umutwe w'abasirikare b'inkeragutabara, yafashwe mu mpera z'icyumweru,.

General muhire ubu afungiwe mu kigo cya polisi ya gisirikare i Kanombe kubera ibyaha byerekeranye na ruswa no gukoresha nabi umutungo w'igihugu.

Umuvugizi w'ingabo, Lt Col Jill Rutaremara, yavuze ko Gen Muhire yafashwe amaze gusakwa, anavuga ko kumufungira i Kanombe bifitanye isano n'ibyo bakuye muri iryo saka.

Rutaremara yavuze ko Jenerali Muhire aregwa kurya ruswa no gukoresha akazi mu nyungu ze bwite.

Jenerali Muhire yari afungiwe mu rugo guhera mu kwezi kwa kane, uyu mwaka.