URwanda rushaka ko Rusesabagina akorwaho iperereza

Paul Rusesabagina
Image caption Paul Rusesabagina ahakana gukorana na FDLR

Ikinyamakuru cyandikirwa mu Rwanda The New Times cyasohoye amazina y'abanyamerika 4 kivuga ko bisanga kwa perezida Barack Obama kandi ngo bashobora gukingira ikibaba Paul Rusesabagina kugirango adakorwaho iperereza ku byaha aregwa na leta y'Urwanda byo gukorana n'umutwe wa FDLR.

Abo banyamerika bavugwa mu kinyamakuru The New times ni Sean Tenner, Bob Walsh, Kitty Kurth na Brian Endless.

Paul Rusesabagina yabwiye BBC ko abo banyamerika bakorana muri Fondation ye ariko ko batisanga kwa Perezida Obama kandi ko batamukingiye ikibaba.

Umushinjacyaha mukuru w'Urwanda Martin Ngoga yabwiye BBC ko adashobora kwemeza niba abavuzwe bose hari uwivanze mu kibazo cya Paul Rusesabagina.