LONI: Kayumba na Karegeya baba bakorana n'imitwe yo muri Kongo

Jenerali Kayumba Nyamwasa
Image caption Jenerali Kayumba Nyamwasa

Icyegeranyo giherutse gusohorwa n'impuguke za LONI kiratunga agatoki Jenerali Kayumba Nyamwasa na Colonel Patrick Karegeya ko bashobora kuba bakorana n'imitwe ibiri yitwaje intwaro yo mu burasirazuba bwa Congo.

Iyo mitwe ni Forces Patriotique pour la liberation du Congo-FPLC na FORCE REPUBLICAINE FEDERAL-FRF, ikorera mu misozi ya Minembwe mu ntara ya Kivu y'amajyaruguru.

Icyo cyegranyo kiravuga ko bamwe mu bahoze ari abarwanyi ba FRF bavuga ko uwo mutwe udafitanye amasezerano na FDLR ariko ngo baravugana kandi ntibarwana.

Colonel Patrick Karegeya yabwiye BBC ko ayo makuru atari yo, kuko ngo iyo mitwe yo muri Kongo fite gahunda yayo badasangiye.