Ubujurire bwa Victoire Ingabire

Victoire Ingabire
Image caption Umukuru wa FDU inkingi Victoire Ingabire

I Kigali mu Rwanda, umunyapolitiki Victoire Ingabire w'ishyaka FDU Inkingi ritavuga rumwe n'ubutegetsi yari mu rukiko rukuru rwa repubulika kujuririra icyemezo cyo kongera kumufunga indi minsi 30 mbere y'uko urubanza rwe rutangira mu mizi.

Ubushinjacyaha buramurega ibyaha birimo gufatanya n'umutwe w'abagizi ba nabi, ingengabitekerezo ya jenoside no gukurura amacakubiri.

Kugeza ubu urubanza rwe nti ruratangira mu mizi.

Ku itariki ya 20 za kuno kwezi nibwo impande zombi zitegereje ijambo ry'umucamanza kuri ubu bujurire.

Ingabire yongeye gutabwa muri yombi mu kwezi kwa 10 k'umwaka ushize ubwo ubushinjacyaha bwavugaga ko habonetse ibimenyetso bishya bijyanye n'ibyaha aregwa.