Uganda: Ibihugu byo hanze biri inyuma y'imyigaragambyo

Kizza Besigye Uwufise ububasha kw’isanamu BBC World Service
Image caption Kizza Besigye

Ubutegetsi bwa Uganda buvuga ko ibikorwa by'imyigaragambyo bimaze ibyumweru bibiri biba mu gihugu biteguwe n'abatavuga rumwe na leta biterwa inkunga n'ibihugu byo hanze.

Ministiri ushinzwe itangazamakuru ibi yabivuze mu nama n'abanyamakuru mu mujyi wa Kampala.

Ministiri Kabakumba Matsiko avuga ko ibikorwa by'imyigaragambo by'abatavuga rumwe n'ubutegetsi bifite ikindi kigamijwe, ngo barimo kwihisha inyuma y'izamuka ry'ibicinro.

Hari amakuru yasohotse mu binyamakuru akeshwa umunyamabanga w'umukuru w'igihugu avuga ko hari ibihugu byo hanze birimo gukorana na Col.

Kizza Besigye prezida wishaka rya FDC.Ngo bashaka kumufasha guhirika ubutegetsi bwa Prezida Museveni hakoreshejwe ingufu, kandi ngo leta irimo gutegura ibirego bimushinja icyo cyaha.

Leta kandi yatangaje ko impamvu yatumye bajya gufungira Besigye kure y'umujyi wa Kampala ari iy'umutekanowe.

Mu cyumweru gishize Besigye hamwe n'undi mukuru w'ishyaka rya Democratic Party, Nobert Mao, bajyanywe gufungirwa ahitwa Nakasongora.

Besigye na bagenzi be batavuga rumwe na leta, bamaze iminsi bakora ingendo zo kujya ku kazi n'amagu mu kwerekana ko batishimiye izamuka ry'ibiciro mu gihugu cya Uganda.