Obama yahuye na minisitiri w'intebe w'Ubwongereza

Obama na Cameron Uwufise ububasha kw’isanamu Getty
Image caption Obama na Cameron

Perezida Barack Obama, uri mu ruzinduko mu Bwongereza, uyu munsi yavuganye na minisitiri w'intebe, David Cameron.

Nyuma y'inama yabo, Obama yavuze ko ku nyungu z'igihe kirekire z'ibihugu byombi Afghanistan itagomba kongera kuba indiri y'ibyihebe.

Yavuze ko ashimishijwe n'ubufatanya bwa Afghanistan na Pakistan.

Ku kibazo cya Libya, Obama yavuze ko igitutu kuri Koloneri Gaddafi kizakomeza.

Ku kibazo cy'amahoro hagati ya Palestine na Israel, Obama yavuze ko afite icyizere ko ibyo bihugu bizagera ku masezerano y'amahoro.

Ariko yakomeje avuga ko impande zombi zigomba gufata ibyemezo bikomeye.

Obama yavuze ko ari ikosa ku Banyapalestine gusaba umuryango w'abibumbye ko ubemera nk'igihugu.

David Cameron yavuze ko muri iyo nama yabo bemeye ko inkudura ya demokarasi muri Afurika y'amajyaruguru igomba kubaho burundu.