Salva Kiir na Omar Al Bashir mu biganiro Addis Abbeba

Salva Kiir na Omar Al Bashir Uwufise ububasha kw’isanamu AFP
Image caption Salva Kiir (yambaye ingofero) na Omar Al Bashir

Perezida wa Sudani ya ruguru Omari Al Bashir na mugenzi we wa Sudani yepfo Salva Kiir barimo kugirana ibiganiro mu murwa mukuru wa Ethiopia Addis Abbeba.

Ibyo biganiro bihagarariwe n'umuryango w'ubumwe bw'Afurika.

Icyo bigamije ni ukureba ukuntu abasirikare ba Sudani ya ruguru bava mu karere ka Abyei buri ruhande rukomeje kuvuga ko ari akarwo.

Hagati aho imiryango itanga imfashanyo iratangaza ko ubuzima n'imibereho by'abantu bishobora kubangamirwa cyane mu turere twegereye umupaka wa Sudani ya ruguru na Sudani y'amajyepfo muri kino gihe Sudani yepfo yitegura kuba leta yigenga guhera mu kwezi gutaha.

Umuvuguzi w'umuryango mpuzamahanga wita ku burenganzira bw'ikiremwamuntu - Amnesty International - yabwiye BBC ko gahunda y'itsembabwoko isa nkaho yatangiye igamije guhungabanya umutekano w'ako karere.

Umuvuguzi w'ishyirahamwe ritanga imfashanyo muri leta ya Kordofan yepfo we yavuze ko abantu bakekwaho kuba bashyigikiye sudani yepfo biciwe imbere yaho ONU ikorera mu mujyi wa Kadugli.