Imyigaragambyo irakomeje muri Syria

Abigaragambya muri Syria Uwufise ububasha kw’isanamu bbc
Image caption Abigaragambya muri Syria

Abantu ibihumbi n'ibihumbi bongeye kujya mu myigaragambyo ikorwa buri cyumweru mu gihugu cyose cya Syria, basaba ko Prezida Bashar al-Assad yegura ku butegetsi.

Abashinzwe umutekano muri Syria ariko bagombye gukoresha ibyuka bihuma amaso hamwe n'amasasu kugirango bashwiragize abigaragambyaga ahantu habiri mu murwa mukuru wa Damascus.

Imyigaragambyo ikomeye ariko yabaye mu tundi duce tw'igihugu, turimo imijyi ya Homs na Hama.

Amakuru aturuka muri Syria aravuga ko abashinzwe umutekano barashe abantu bagera kw'i 10 ariko leta iravuga ko abo bantu barashwe n'abitwaje ibirwanisho bataramenyekana.

Umunyamakuru wa BBC uri muri Syria yavuze ko leta irimo gusaba ibiganiro ku rwego rw'igihugu ariko imvururu nizo ziri kuganza hamwe no guta muri yombi abo bantu.