18 bahitanywe n'igisasu i Kabul

Igitero kuri hotel i Kabul Uwufise ububasha kw’isanamu AP
Image caption Igitero kuri hotel i Kabul

Abantu batari munsi ya 18 bari muri hoteli ikomeye i Kabul, umurwa mukuru wa Afghanistan, bahitanywe n'igisasu cy'umwiyahuzi w'umutaliban.

Abashinzwe umutekano barimo gusaka ibyumba byose bashakisha abateye igisasu n'abakomeretse.

Igitero kuri iyo hoteli cyatangiye umwiyahuzi agabye igitero ku rugi rwinjira muri iyo hoteli.

Hashize amasaha 5, kajugujugu ya NATO yarashe abagabo 5 barimo kurasa bari hejuru y'igisenge cy'iyo nzu.

Hari amakuru avuga ko nyuma nibwo umwiyahuzi yaturukije igisasu ari mu cyumba kimwe cy'iyo hotel hagwa abapolisi 2 n'umuturage wa Espagne 1 wari muri hoteli.

Umuofisiye mukuru muri polisi ya Afghanistani yavuze ko icyo gitero cyari cyateguwe neza.