Kwumviriza telefone z'abantu batabizi mu Bwongereza

Icyuma cyumviriza ibiganiro by'abandi kuri telefone Uwufise ububasha kw’isanamu vt
Image caption Icyuma cyumviriza ibiganiro by'abandi kuri telefone

Andy Coulson wahoze ari umwanditsi mukuru w'ikinyamakuru cyandikirwa mu Bwongereza kitwa the News of the World yatawe muri yombi.

Itabwa muri yombi rye rifitanye isano n'amakuru ya ruswa no kumviriza ibiganiro by'abantu kuri telefoni ku buryo bunyuranije n'amategeko byishinjwa icyo kinyamakuru.

Ejo abayobozi bacyo banatangaje ko kitazongera gusohoka. Bwana Coulson avuga ko atigeze amenya ko telefoni zumvirizwaga.

Undi munyamakuru mukuru w'icyo kinyamakuru nawe yatawe muri yombi we akaba agomba kwisobanura ku birebana n'amafaranga ashobora kuba yarahawe abapolisi mu buryo butemewe n'amategeko.

Ministri w'intebe w'ubwongereza, David Cameron, yatangaje ko hagiye gukorwa amapereza abiri; rimwe kuri icyo kibazo, irindi rigakorwa ku mategeko agenga itangazamakuru.

David Cameron aravuga ko ariwe wenyine ugomba kubazwa ibirebana n'ukuntu yahaye akazi Andy Coulson.

.