Imfashanyo ya PAM i Mogadiscio

Abanyasomalia bahunga amapfa Uwufise ububasha kw’isanamu AP
Image caption Abanyasomalia bahunga amapfa

Indege ya mbere yikoreye imfashanyo y'ishami ry'umuryango w'abibumbye ryita ku biribwa - PAM - yitezwe uyu munsi mu murwa mukuru wa Somalia, Mogadiscio.

Ibi biri muri gahunda y'inkunga amahanga arimo gutera miliyoni 10 z'abantu bugarijwe n'amapfa mu ihembe ry'Afurika.

PAM ivuga ko mu kwezi gushize abantu ibihumbi 40 bahungiye i Mogadiscio bajyanywe no gushaka ibyo kurya n'amazi mu gihe abandi babaribwa mu bihumbi bakambitse mu nkengero z'uwo mujyi.

Indege kandi zizageza imfashanyo muri Ethiopia hanyuma ijyanwe mu gace ka Somalia kagenzurwa n'ingabo zishigikiye leta mu karere ka Gedo.