Urubanza rwa Callixte Mbarushimana rurakomeje

Callixte Mbarushimana mu rukiko Uwufise ububasha kw’isanamu Reuters
Image caption Callixte Mbarushimana mu rukiko

I La Haye mu Buholandi ubushinjacyaha bukomeje kugeza ku rukiko mpuzamahanga mpanabyaha ibimenyetso byemeza ibirego Callixte Mbarushimana aregwa.

Callixte Mbarushimana araregwa ibyaha 13 by'impurirane y'ibyaha by'intambara n'ibyaha byibasiye inyoko muntu.

Ibyo byaha birimo ubwicanyi, ubuhotozi no gufata abari n'abategarugori ku ngufu, ngo byakorewe mu burasirazuba bwa Republika iharanira demokarasi ya Congo muri 2009.

Bikaba ngo byarakozwe n'umutwe wa FDLR Mbarushimana yari abereye umunyamabanga nshingwabikorwa.

Uru rubanza rwatangiye ku wa gatanu w'icyumweru gishize rukaba rutagera mu mizi y'ibirego ahubwo ari urwo gufasha urukiko kwemeza niba ibimenyetso bihagije kugira ngo urukiko rutangize urubanza nyirizina.