Urukiko rw'Arusha rwarekuye 2 rukatira 2

Urukiko rw'Arusha rwarekuye 2 rukatira 2
Image caption Urukiko rw'Arusha rwarekuye 2 rukatira 2

Abahoze ari abashikiranganji b'u Rwanda 2 bakatiwe gufungwa imyaka 30 n'urukiko rw'Arusha kubera uruhare bagize muri genocide yabaye mu 1994.

Bwana Prosper Mugiraneza wahoze ari umushikiranganji w'abakozi ba leta na Justin Mugenzi wari umushikiranganji w'ubucuruzi bahamijwe ubufatanya cyaha mu gukora genocide no guhamagarira abantu gukora genocide.

Urukiko rw'Arusha ariko rwagize abere Casimir Bizimungu wari umushikiranganji w'ubuzima na Jerome-Clement Bicamumpaka wari umushikiranganji w'imibano n'amahanga. Urukiko rwasanze nta bimenyetso bibahamya ibyaha.

Leta y'u Rwanda yavuze ko yemera ibyo urukiko rwemejwe ariko ko rwiteze ko abashinjacyaha b'urukiko rw'Arusha bazajurira.

Ukuriye itsinda ry'abashakishwa ku byaha bya genocide bari hanze, Bosco Siboyintore yabwiye BBC ko bari buganire n'abashinjacyaha b'i Arusha kugirango barebe uko bakora ubujurire.