Dadaab: abanyamahanga babiri bashimuswe

Inkambi ya Dadaab irimo impunzi z'abasomali Uwufise ububasha kw’isanamu AFP
Image caption Inkambi ya Dadaab irimo impunzi z'abasomali

Abantu bitwaje intwaro bashimuse abakozi b'abanyamahanga babiri batanga imfashanyo mu nkambi y'impuzi z'abasomali iri i Dadaab mu majyaruguru y'uburasirazuba bwa Kenya hafi y'umupaka na Somalia.

Umuvugizi w'igipolisi cya Kenya yatangaje ko abakozi babiri bakomoka muri Espagne bakorera umuryango utanga imfashanyo Medecins Sans Frontieres - MSF bashimuswe.

Uyu muryango MSF uravuga ko umushoferi w'umunyaKenya wari ubatwaye yarashwe arakomereka.

Inkambi ya Dadaab yakiriye impunzi z'abasomali zibarirwa mu bihumbi byinshi zahunze intambara n'inzara muri Somalia.

Akarere kegereye umupaka wa Kenya na Somalia nta mutekano mwinshi ukarangwamo.

Hari hashize ibyumweru bike gusa abandi banyamahanga babiri bahashimutiwe.