Imirwano mu mujyi wa Bani Walid

Abasirikare b'akanama k'igihugu k'inzibacyuho Uwufise ububasha kw’isanamu AFP
Image caption Abasirikare b'akanama k'igihugu k'inzibacyuho

Ingabo z'akanama k'igihugu k'inzibacyuho kayoboye Libya muri kino gihe zatangaje ko ubu zigenzura inkengero z'umujyi wa Bani Walid, umwe mu mijyi ya nyuma ikirimo abasirikare bagitsimbaraye kuri Col Muammar Gaddafi.

Abayoboye ingabo za leta y'inzibacyuho batangaje ko ejo ku cyumweru ingabo zirwanira Col Gaddafi zihagazeho cyane mu gihe bageragezaga kuzitsimbura mu birindiro byazo mu gihe berekezaga mu mujyi rwagati.

Ingabo z'akanama k'igihugu k'inzibacyuho kandi ziremeza ko ubu zigenzura ikibuga k'indege n'amazu menshi akomeye n'imihanda y'ingenzi yinjira muri uwo mujyi wa Bani Walid.

Mu mujyi wa Sirte ho, ingabo z'akanama k'igihugu k'inzibacyuho ntizari zabasha kuwirukanamo abasirikare ba Gaddafi bakiri mu mujyi rwagati nyuma y'iminsi myishi y'imirwano.

Hagati aho ministri w'ububanyi n'amahanga w'ubwongereza, William Hague, yatangaje ko ambassade y'ubwongereza muri Libya yongeye gufungura mu mujyi wa Tripoli.