Ikibazo cy'imyenda mu bihugu by'Uburayi

Perezida Sarkozy w'Ubufaransa na Angela Merkel uyobora leta y'Ubudage Uwufise ububasha kw’isanamu AFP
Image caption Perezida Sarkozy w'Ubufaransa na Angela Merkel uyobora leta y'Ubudage.

Abakuru b'ibihugu na za leta zo mu muryango w'ubumwe bw'Uburayi barahurira uyu munsi i Brusseli mu Bubirigi kugirango bigire hamwe ikibazo k'imyenda kivugwa mu bihugu bikoresha ifaranga rya Euro.

Barateganya gusaba imfashanyo y'ibindi bihugu bifite ubukungu bukomeye.

Iki gitekerezo kivuga hajyaho ikigega cy'ishoramali cyajyamo umusazu watangwa n'ibihugu nk'Ubushinwa na Brazil.

Iki kigega kandi cyakorana n'ikigega cy'Uburayi gisanzweho kigamije guha imfashanyo ibihugu bikeneye inkunga yihutirwa cyane.

Iki kibazo kizaganirwaho mu ruzinduko rw'umukuru w'icyo kigega cy'uburayi Klaus Regling azagirira mu Bushinwa muri kino cyumweru.

Abategetsi b'ibihugu byo mu Burayi kandi batekereza ko ahandi hashobora guturuka inkunga yo gufasha ibihugu biri mu bibazo bikomeye ari mu kigega mpuzamahanga k'imali.