Iperereza ku rupfu rwa Gaddafi

Iperereza ku rupfu rwa Gaddafi Uwufise ububasha kw’isanamu Reuters
Image caption Iperereza ku rupfu rwa Gaddafi

Akanama kayoboye Libya by'agateganyo kavuze ko kazakurikirana abantu bishe Colonel Moammar al-Gaddafi.

Icyegera cy'umukuru w'ako kanama, Abdel Hafiz Goga yavuze ko bamaze gutangiza iperereza kuri ubwo bwicanyi bise ko bwakozwe n'umuntu ku giti cye.

Colonel Gaddafi yagaragaye muri video akiri muzima nyuma yo gufatwa n'abasirikare b'ako kanama, mbere yuko atangazwa ko yapfuye.

Imiryango irengera agateka ka kiremwa muntu hareze bamwe mu nyeshyamba zo muri Libya zarwanyije ubutegetsi bwa Gaddafi ko bakoze ubwicanyi bukabije igihe bafataga umujyi wa Sirte.

Hagati aho akanama ka ONU gashinzwe umutekano kamaze gutangaza ko igihe cyo kutagurutsa indege hejuru y'ikirere cya Libya, kizarangira saa sita z'ijoro zo kw'itariki ya 31 z'uku kwezi kwa cumi.