Abanyasiria 3500 barwanya leta barishwe

Imyigaragambyo mu mujyi wa Homs Uwufise ububasha kw’isanamu Reuters
Image caption Imyigaragambyo mu mujyi wa Homs

Umuryango w'abibumbye uravuga ko umubare w'abantu bamaze kwicwa na leta muri Syria mu guhosha imyigaragambyo irwanya ubutegetsi umaze kurenga abantu 3500.

Iyi mibare yashyizwe ahagaragara n'umukuru w'akanama ka ONU kita ku burenganzira bw'ikiremwamuntu mu gihe amakuru aturuka muri Syria avuga ko igisirikare kirimo gutera buri rugo mu mujyi wa Homs.

Inzego z'umutekano muri Syria zatangiye kugaba ibitero bishya kuri uwo mujyi mu minsi ishize nubwo leta ya Syria yari yaremeye umugambi w'amahoro w'umuryango uhuriweho n'ibihugu by'abarabu uyisaba kuvana abasirikare bayo mu duce twose dutuwemo n'abasivili.