Leta y'u Bdi yahakanye ibirego bya OAG

burundi
Image caption burundi map

Leta y'u Burundi irahakana amakuru yatangajwe n'ishyirahamwe rirengera agateka ka muntu mu Burundi Observatoire de l'Action Gouvernementale (OAG).

Iri shyirahamwe ejo ryasohoye icyegeranyo kivuga ko hari abantu barenga 300 bamaze kwicwa muri aya mezi 5 ashize.

Abo bantu ngo bicwa n'inzego z'igipolisi n'ubutasi. Umuvugizi wa leta y'u Burundi, Philippe Nzobonariba avuga ko atari abantu bo mu mashyaka atavuga rumwe n'ubutegetsi bicwa nkuko OAG ibivuga, ngo nta numwe uri mu bucamanza kugeza ubu uvuga ko azira ibitekerezo by'ishyaka akomokamo.

Nzobonariba avuga ko abantu bicwa n'abantu biyambitse imyenda y'igipolisi bakaza kwica abantu bahoze bakora, ibyo rero ngo bigatuma babitiranye n'igipolisi cy'igihugu.

Uyu muvugizi wa leta y'u Burundi akavuga ariko ko hari abapolisi bagera kuri 200 bamaze gucibwa imanza zuko bishe abantu ngo n'uwishe umunyururu yaracunze baramuhana. Akavuga ko ibyo OAG ivuga ari umugambi wo kwanduza isura y'inzego z'igihugu.

Nzobonariba agasaba ayo mashyirahamwe arengera agateka ka muntu ko aho kujya gutangariza amahanga amakosa yaba yakozwe n'abagize inzego z'igipolisi n'ubutasi ko babibwira leta kandi leta yiyemeje guhita ibahana.