Igisirikare mu Misiri cyasabye imbabazi

Imyigaragambyo  i Cairo mu Misiri Uwufise ububasha kw’isanamu Reuters
Image caption Imyigaragambyo i Cairo mu Misiri

Ubutegetsi bwa gisirikare mu Misiri bwasabye imbabazi kubera abantu bapfuye igihe bakozanyagaho n'igipolisi mu myigaragambyo isaba abasirikare kurekurira ubutegetsi abasivili bidatinze.

Ibi bibaye mu gihe uyu ari umunsi wa gatandatu iyo myigaragambyo itangiye i Cairo no mu yindi mijyi y'icyo gihugu.

Inama nkuru ya gisirikare iyoboye igihugu muri iki gihe yavuze ko yifatanije n'abanyamisiri bose mu gahinda batewe n'urupfu rw'abo bantu.

Umwe mu bagize ako kanama, General Mokhtar al-Molla, yongeye kwemeza ko amatora y'abadepite ateganijwe ku wa mbere w'icyumweru gitaha azaba nkuko biteganijwe.

Hari abavugaga ko aya matora ashobora kwimurwa kubera umwuka mubi urangwa mu Misiri muri iki gihe.

Abantu byibura 30 nibo bamaze kugwa muri iyo myigaragambyo yatangiye ku wa gatandatu.