Irak: visi perezida arashinjwa iterabwoba

Visi perezida wa Irak, Tareq al Hashemi Uwufise ububasha kw’isanamu Reuters
Image caption Visi perezida wa Irak, Tareq al Hashemi

Ministri w'intebe wa Irak Nouri al Maliki, mu ijambo yagejeje kuri televiziyo y'igihugu, yasabye abayobozi b'intara yo mu majyaruguru y'icyo gihugu ituwe n'abantu bo mu bwoko bw'abakurde gutanga Tareq Al Hashimi wungirije umukuru w'igihugu akaba ashinjwa ibyaha by'iterabwoba.

Impapuro zo gufata uyu mugabo zatumye amakimbirane amaze igihe hagati ya ministri w'intebe Nouri Al Maliki - umuyislamu w'umushia - n'abanyapapolitiki b'abayislamu b'abasuni arushaho gukara.

Aba banyapolitiki b'abasuni bashinja ministri w'intebe Nouri Al Maliki kuba atangiye gutegekesha igitugu.

Ejo, uwungirije ministri w'intebe ukomoka mu bayislamu b'abasuni, Saleh Al Mutlaq, yabwiye BBC ko icyo gihugu gishobora kongera kwibasirwa n'amakimbirane ashingiye ku madini kubera ibyemezo byafashwe na ministri w'intebe Nouri Al Maliki wo mu bayislamu b'abashia.