Abantu 7 bahitanywe n'igisasu i Baghdad

Ibisasu i Baghdad
Image caption Ibisasu i Baghdad

Abantu bagera kuri 7 bahitanywe n'igisasu cy'umwiyahuzi kuri ministeri y'ubutegetsi bw'igihugu mu mujyi wa Baghdad.

Abayobozi ba leta baravuga ko icyo gisasu cyaturukiye mu modoka yari hanze y'iyo ministeri.

Icyo gisasu gikurikiye ibisasu byaturikiye i Baghdad kuwakane bihitana abantu 70.

Ibyo bisasu bikomeje gukongeza icyuka kibi gishingiye ku madini na politiki cyatangiye gututumba ingabo z'Amerika zimaze kuva muri icyo gihugu muri uku kwezi.

Visi perezida w'Amerika, Joe Biden, yavuze ko Amerika yabwiye abayobozi ba Iraq ko ibihabera biteye impungenge Amerika.