Intumwa z'ibihugu by'abarabu muri Syria

Mu mujyi wa Homs Uwufise ububasha kw’isanamu Reuters
Image caption Mu mujyi wa Homs

Intumwa z'umuryango uhuriweho n'ibihugu by'abarabu zageze mu mujyi wa Homs kureba niba leta ya Syria ikomeje gukoresha ingufu zirenze urugero mu guhosha imyigaragambyo iyirwanya.

Impirimbanyi zirwanya leta ziravuga ko ibimodoka bigendera ku minyururu by'igisirikare cya Syria byavanywe muri uwo mujyi mbere yuko izo ntumwa zihagera.

Umujyi wa Homs uri mu mijyi ya mbere yiganjemo imyigaragambyo irwanya leta.

Uyu mujyi wabayemo ubwicanyi bubi cyane mu mezi ashize ndetse ejo ku wa mbere byavugwaga ko abantu 30 bahiciwe.

Impirimbanyi ziravuga kandi ko abantu babarirwa mu bihumbi bakoze imyigaragambyo irwanya leta muri uwo mujyi.