Ababuranira Leon Mugesera bitabaje ONU

Leon Mugesera Uwufise ububasha kw’isanamu AP
Image caption Leon Mugesera

Ababuranira Leon Mugesera bitabaje umuryango w'abibumbye kugira ngo igihugu cya Canada kidashyira mu bikorwa icyemezo cyafashe cyo kumwohereza mu Rwanda.

Ejo urukiko rw'ubujurire rwo muri Canada rwategetse ko mu masaha 24 uyu mugabo aba yirukanywe ku butaka bw'icyo gihugu ariko akanama ka ONU karwanya iyica rubozo kavuze ko karimo kwiga ikirego cy'ababuranira bwana Mugesera barega leta ya Canada.

Umwunganira, Johanne Doyon, yabwiye BBC ko icyatumye Leon Mugesera atoherezwa mu Rwanda nkuko byari biteganijwe ari uko arwaye.

Leon Mugesera ashakishwa n'ubucamanza bw'Urwanda bumushinja kuba yarahamagariye abaturage kwica abatutsi kubera amagambo yavugiye muri mitingi y'ishyaka ryari ku butegetsi rya MRND mu cyari perefegitura ya Gisenyi muri 1992.