Al Shabaab yagabweho igitero gikaze

Imodoka y'abasirikare b'umuryango w'ubumwe bw'afurika Uwufise ububasha kw’isanamu Reuters
Image caption Imodoka y'abasirikare b'umuryango w'ubumwe bw'afurika

Ingabo za leta y'inzibacyuho muri Somalia zitewe inkunga n'abasirikare b'umuryango w'ubumwe bw'Afurika zagabye igitero gikomeye ku barwanyi b'intagondwa z'abayislamu bo mu mutwe wa Al Shabaab.

Mu rukerera rw'uyu munsi, abasirikare babarirwa mu magana bifashishije ibimodoka bya gisirikare bigendera ku minyururu 20 bigaruriye ibirindiro bya Al Shabaab mu nkengero z'umurwa mukuru Mogadiscio.

Umutwe wa Al Shabaab wiyemereye ko hari ahantu watakaje ariko wongeraho ko uzagaruka.

Umunyamakuru wa BBC uri mu burasirazuba bwa Afurika aravuga ko uyu mugambi wa gisirikare usa n'ugamije kwirukana burundu abarwanyi ba Al Shabaab mu murwa mukuru, ariko kubera ko uyu mutwe ukunze kugaba ibitero by'abiyahuzi, bizakomera cyane kugira ngo umutekano ugaruke muri uwo mujyi.