Abarabu barasaba LONI ko ibafasha ku kibazo cya Syria

ingabo za leta ya Syriya Uwufise ububasha kw’isanamu Getty
Image caption ingabo za leta ya Syriya

Umuryango w'ibihugu by'abarabu urashaka ko akanama k'umuryango w'abibumbye gashinzwe umutekano ku isi kawufasha mu gukemura imvururu zo muri Syria.

Kucyumweru, uwo muryango wasabye Perezida Bashar al-Assad wa Syriya kwegura maze ubutegetsi akabuha icyegera cye.

Umunyamabanga mukuru w'umuryango w'ibihugu by'abarabu, Nabil Elaraby, yavuze ko mu nama izaba kuwambere azasaba akanama k'umuryango w'abibumbye gashinzwe umutekano ku isi gushyigikira ibisabwa n'uwo muryango.

Amakuru atangwa n'abarwanya leta ya Syriya aravuga ko hafi y'umurwa mukuru, Damasccus, habereye imirwano mishya hagati y'ingabo za leta n'abayirwanya.

Indi mirwano iravugwa i Deraa, mu majyepfo y'umurwa mukuru.