Imvururu muri Senegal

Perezida Abdoulaye Wade Uwufise ububasha kw’isanamu Reuters
Image caption Perezida Abdoulaye Wade

Mu majyaruguru ya Senegal haravugwa imvururu hagati y'abayoboke b'amashyaka atavuga rumwe na leta n'abashinzwe umutekano, izo mvururu zahitanye abantu 2.

Amakuru aravuga ko abo bapfuye ubwo abapolisi bageragezaga gutatanya imyigaragambyo yo mu mujyi wa Podor.

Abayoboke b'amashyaka atavuga rumwe na leta baramagana icyemezo urukiko rushinzwe itegeko nshinga cyo kwemerera Perezida Abdoulaye Wade, ufite imyaka 85 ko yongera guharanira kuyobora icyo gihugu ku nshuro ya 3.

Urwo rukiko kandi rwangiye umunyamuzika Youssou N'Dour ko aharanira uwo mwanya.

Icyegera cya minisitiri w'ububanyi n'amahanga w'amerika, William Burns, yavuze ko Amerika ihangayikishijwe n'uko icyo cyemezo gishobora guhungabanya demokarasi yo muri Senegal na politiki y muri icyo gihugu.