Maldives: Mohamed Nasheed "yegujwe ku ngufu"

Mohamed Nasheed wahoze ari perezida wa Maldives Uwufise ububasha kw’isanamu BBC World Service
Image caption Mohamed Nasheed wahoze ari perezida wa Maldives

Urukiko rwo muri Maldives rwasohoye impapuro zo guta muri yombi uwari umukuru w'icyo gihugu Mohamed Nasheed n'uwari ministri we w'ingabo.

Abantu babarirwa mu bihumbi bashyigikiye Mohamed Nasheed bateraniye imbere y'urugo rwe aho yabwiye abanyamakuru ko afite ubwoba bw'umutekano we.

Uyu mugabo aravuga ko inzego zishinzwe umutekano arizo zamweguje ku mwanya w'umukuru w'igihugu ku ngufu zimutunze imbunda mu ntangiriro za kino cyumweru.

Biravugwa ko umuryango we wahungiriye mu gihugu cya Sri Lanka gihana imbibi na Maldives.

Ku wa gatatu, bamwe mu bashyigikiye Bwana Nasheed barakomeretse igihe igipolisi cyageragezaga gutatanya imyigaragambyo yabo mu murwa mukuru, Male.