Yemen: 9 biciwe mu matora y'umukuru w'igihugu

Visi Perezida amaze gutora Uwufise ububasha kw’isanamu Reuters
Image caption Visi Perezida amaze gutora

Abantu bafite intwaro bishe abantu bagera ku 9 bari ku biro by'amatora y'umukuru w'igihugu muri Yemen.

Perezida mushya azasimbura Ali Abdullah Saleh, wari umaze imyaka 33 k'ubutegetsi.

Ubwo bwicanyi bukozwe nyuma y'akamo k'abaharanira ko Yemen y'amajyepfo yigenga basabaga abantu kutitabira ayo matora.

Byabaye ngombwa ko ibiro by'amatora byo mu mujyi wa Aden, uri mu majyepfo y'igihugu, bihagarika amatora kare ariko mu murwa mukuru, Sanaa, amatora yabaye mu mahoro.

Visi perezida wa Yemen, Abd Rabbu Mansour Hadi, niwe wenyine uharanira uwo mwanya w'umukuru w'igihugu. Perezida Saleh yemeye kwegura nyuma y'imyigaragambyo yamaze amezi arwanya ubutegetsi bwe.