Aung San Suu Kyi yegukanye intebe nyinshi

Aung San Suu Kyi Uwufise ububasha kw’isanamu AP
Image caption Aung San Suu Kyi

Umunyapolitiki utavuga rumwe na leta muri Birimaniya, Aung San Suu Kyi, yakiriwe n'abantu benshi bamushyigikiye bari mu byishimo nyuma yaho ishyaka rye ritsindiye intebe nyinshi mu matora y'abadepite yabaye mu duce tumwe na tumwe tutari tugifite uduhagararira ejo ku cyumweru.

Televiziyo ya leta yatangaje ko ishyaka riharanira demokarasi rya Aung San Suu Kyi ryegukanye intebe byibura 40 ku ntebe 45 zahatanirwaga.

Izi ntebe kandi akaba ari nke cyane urebye intebe zose zigize inama nshingamategeko.

Aung San Suu Kyi yavuze ko iyi ari itsinzi ya demokarasi kandi ko abanyabirimaniya bagombye kwitegura ibihe bishya.

Abanyamakuru bari muri icyo gihugu baravuga ko uku gutsindwa kw'ubutegetsi bushyigikiwe n'igisirikare bushobora kubugiraho ingaruka ngo kubera ko bwatakaje intebe mu turere dutuwemo cyane n'abakozi ba leta.