Senegal: Macky Sall yarahiye

Perezida mushya wa Senegal, Macky Sall Uwufise ububasha kw’isanamu Reuters
Image caption Perezida mushya wa Senegal, Macky Sall

Perezida mushya wa Senegal, Macky Sall, yarahiye nyuma yo gutsinda n'amajwi 65% Perezida ucyuye igihe Abdoulaye Wade mu cyiciro cya kabiri cy'amatora yabaye mu kwezi gushize.

Mu ijambo yavuze, Macky Sall yiyemeje kwubahiriza itegeko nshinga no kubungabunga ubusugire bw'igihugu.

Mu bakuru b'ibihugu benshi bitabiriye uwo muhango barimo Allassane Ouattara, perezida wa Cote d'ivoire akaba na perezida w'umuryango uhuriweho n'ibihugu byo muri Afurika y'Uburengerazuba (CEDEAO), Jorge Carlos Fonseca wa Cap Vert na John Attah Mills wa Ghana.

Ubufaransa bwari buhagarariwe na minisitri w'ububanyi n'amahanga, Alain Juppe.

Perezida ucyuye igihe Abdoulaye Wade yarashimwe cyane kubona yaremeye ko yatsinzwe nyuma y'imyaka 12 ku butegetsi.

Ibyo ngo bikaba byerekana ko demokarasi imaze gushinga imizi muri Senegali.