Abasirikare ba Congo batorotse muri Kivu

General Bosco Ntaganda
Image caption General Bosco Ntaganda

Abasirikare babarirwa mu majana bo muri Repubulika Iharanira Demokarasi ya Congo batorotse igisirikare.

Abo basirikare, biravugwa ko ari abegamiye ku ruhande rwa General Bosco Ntaganda wahoze muri CNDP. General Bosco Ntaganda kandi arashakishwa n'urukiko mpuzamahanga mpanabyaha.

Kubera igitutu cy'Ububirigi, mu cyumweru gishize bwasabye Perezida Joseph Kabila guhagarika Bosco Ntaganda, abasirikare bahoze ari inyeshyamba ze batangiye gutoroka igisirikare.

Mu cyumweru gishize, umushikiranganji w'imibano n'amahanga w'Ububiligi, Didier Reynders yagiye kubonana na Prezida Joseph Kabila.

Umushikiranganji Reynders yabwiye Prezida Kabila ko kudatanga General Ntaganda bishyira agaciro ke mu gihirahiro.

Ubwo ayo makuru yahise agera i Goma, aho bivugwa ko General Ntaganda yahise afata icyemezo cyo kutongera kuharara.

Abasirikare be babarirwa mu magana atandatu bahise bafata amamodoka, imbunda n'amasasu, bava mu gisirikare cya leta, FARDC.

Umuvugizi w'igisirikare cya Congo Coloneli Sylvain Ekenge yavuze ko ibikorwa byose byo kwitwara nabi bizahanwa biikomeye.