Kenya: abanyamahanga bari barashimuswe barekuwe

Inkambi ya Dadaab Uwufise ububasha kw’isanamu AFP
Image caption Inkambi ya Dadaab

Ingabo za leta y'inzibacyuho muri Somalia ziravuga ko zabohoye abakozi bane b'abanyamahanga batanga imfashanyo bari barashimuswe mu mpera z'icyumweru gishize mu nkambi y'impunzi ya Dadaab iri mu majyaruguru y'igihugu cya Kenya.

Aba bakozi bakorera umuryango utanga imfashanyo wo muri Norvege - Norwegian Refugee Council - barekuwe nyuma n'imirwano yamaze igihe gito ku mupaka wa Kenya na Somalia hagati y'imijyi ya Diff na Dhobley.

Abantu batatu bitwaje imbunda batawe muri yombi. Abo banyamahanga bashimuswe ku wa gatanu igihe imodoka barimo zagendaga mu nkambi ya Dadaab ituwe n'impunzi z'abanyasomaliya zibarirwa ku bihumbi magana atanu.

Mu mezi yashize hari abandi bakozi batanga imfashanyo bashimutiwe muri iyo nkambi.