DRC: M23 yavuye mu duce yigaruriye

Hahunze abantu ibihumbi
Image caption Hahunze abantu ibihumbi n'ibihumbi

Muri Repubulika iharanira demokarasi ya Congo, abarwanyi bo mu mutwe wa M23 bavuye mu mijyi bigaruriye mu mpera z'icyumweru gishize bayisigamo igipolisi.

Nyuma ya Bunagana, abarwanyi bo mu mutwe wa M23 bigaruriye mu mpera z'icyumweru gishize uduce twinshi mu ntara ya Kivu y'amajyaruguru twarimo ibirindiro by'abasirikare ba leta.

Muri utwo duce harimo Kiwanja, Rutshuru, Jomba, Busanza, Ntamugenga, Rubale n'inkambi ikomeye ya gisirikare ya Rumangabo.

Abaturage bo muri utwo duce baravuga ko abasirikare ba leta mu guhunga basize babasahuye.

Umutwe wa M23 uravuga ko wavanye abarwanyi bawo muri utwo duce ukahasiga polisi y'igihugu hamwe n'abasirikare ba Monusco.

Umutwe wa M23 ugizwe n'abasirikare bivanye mu gisirikare cya leta mu kwezi kwa kane k'uno mwaka binubira ko leta itashyize mu bikorwa amasezerano yagiranye n'umutwe wa CNDP muri 2009.