Dadaab: imiryango ifasha irasaba amafaranga

Inkambi ya Dadaab Uwufise ububasha kw’isanamu AFP
Image caption Inkambi ya Dadaab

Imiryango itanga imfashanyo mu nkambi y'impunzi ya Dadaab iri mu burasirazuba bwa Kenya iraburira abantu ko ubuzima bw'impunzi zibarirwa mu bihumbi bubangamiwe kubera ko amafaranga iyo miryango akoresha mu kuzifasha akomeje kuba make.

Iyi miryango iravuga ko ikeneye ku buryo bwihutirwa miliyoni 25 z'amadolari kugira ngo ibashe kubakira impunzi aho ziba, izigezeho amazi meza n'ibindi bijyanye n'isuku.

Iyi nkambi ya Dadaab yamenyekanye cyane umwaka ushize igihe umubare w'impunzi z'abasomali bayiganaga bahunga intambara n'inzara mu gihugu cyabo wazamukaga ukagera hafi ku bihumbi 500.