Umuntu yishe arashe abantu 12 muri Amerika

Aho ubwo bwicanyi bwabereye Uwufise ububasha kw’isanamu AP
Image caption Aho ubwo bwicanyi bwabereye

Igipolisi mu mujyi wa Denver muri leta zunze ubumwe z'amerika kiratangaza ko umuntu witwaje intwaro wipfutse mu maso yishe abantu 12 maze akomeretsa abandi byibura 50 igihe yarasaga ku bantu barimo bareba cinema.

Igipolisi cyari cyabanje kuvuga ko yishe abantu 14 mu gihe yerekanwaga cinema yitwa the Dark Knight Rises.

Ababibyoboneye n'amaso yabo baravuga ko umugabo wipfutse mu maso yanyuze imbere y'icyuma cyerekana cinema hanyuma ajugunya akadebe mu nzu berekeramo cinema, umwotsi utangira gucumba maze nawe aratangira ararasa.

Igipolisi kiravuga ko cyataye muri yombi umuntu umwe ukekwa witwa James Holmes wafatiwe aho imodoka zibikwa hafi yaho ngaho. Bamusanganye imbunda nini n'izindi nyinshi.